Pantun Aceh Shalat Jumat

:: JAK JUM'AT ::

Rizki J Muhammad
Pageu rhot dalam taseumate kawat..
Rhot luwa ta ikat taloe meupunca..
Bagi ureung ureung agam yang kalheuh sunat..
Nyoe uroe jum'at bek laloe gata..

Laju jak manoe igoe ta sikat..
Kajeut meusiap bek le lam tika..
Kupiah bak jaroe bak ulee talhat..
Laju beurangkat deungen seugera..

Bek gadoh laloe takot ka tilat..
Fahala meulipat hana tajumpa..
Lumoe meutaloe pahla jak jum'at..
Bagi yang awai that gob nyan geuteuka..

Teuma dirakan yang tinggai sisaat..
Khatib kageumat rukon geubaca..
Boh itek lam cawan nyan pahla meuhat...
Bagi yang tilat keu fardu saja..

Teuma lam mesjid bek gadoh mengupat..
Iktikaf ditempat meuzikir beuna..
Ta dingo khatib geubri amanat..
Peu leh alamat faedah geuba..

Bek gadoh tingeut meujungkat jungkat..
Tajak ibadat ken jak meucuca..
Mata teuh tableut tasaba siat..
Sijeum tabeurangkat laju ta gisa..

Sideh ditangse musem boh langsat..
Musem boh coklat di pidie jaya..
Tapeugleh hate bak uroe jum'at..
Singoh uroe aleuhat tapeugleh jiwa..

Jazk- jak tapeugleh hate ile.. Singoh uroe raya tapeugleh jiwa.. Meubek laloe le..

Related Posts

Previous
Next Post »