Pantun Aceh Menyanyi Tum Hi Ho >> pantunseribu


:: TUM HI HO :::


Gata keuh gadeh yang uloen sayang..
Rindu han leukang didalam dada..
Masa barojeh yoh muue lam blang..
Tajak me rantang keu ureung sumula..

Teuma disampeng sinan cut abang..
Bak sigo pandang ka jatoh cinta..
Bak loen keureuleng laju meulabang..
Gaseh ngen sayang galak keu gata..


Seumagat uloen meutamah garang..
Umoeng peut gantang hana teurasa..
Lagu meu alon atra gob karang..
Nyan keuh di abang rindu peunawa..


Lagu TUM HI HO sabe loen layang..
Oh rindu datang tingat keu gata..
Ho ho loen tajo sabe teubayang..
Gata han leukang bak ayeum mata..


Tapi barosa gata gob pinang..
Katrok lamaran sidroe pemuda..
Ubena keuh luka hate cut abang..
Paken han roh nyan lon peugah cinta..


Bah keuh uloen jak nanggroe seberang..
Han jeut loen pandang gata meupesta..
Gaseh uloen sak rindu ngen sayang..
Uloen me sajan hate yang luka..


Harapan uloen gata beuseunang..
Deungon pilihan hudep bahgia..
Adak pih rihoen han le loen riwang..
Dak umu panyang sideh di malaya..


Jazk- hahaha nyan keu gob beh, loen hana.. ‪#‎LEH_SOE_PIH‬

♥♥♥

 

Related Posts

Previous
Next Post »