Pantun Aceh OTW Bireun >> pantunseribu

  :: OTW BIREUN :::

 karya Rizki J Muhamad

♥♥♥
Ditubiet beuleun oh ka supot uroe..
Geulap meusagoe man siklep donya..
Loen jak u bireun jak mita anoe..
Meuheut meupuwoe pesanan kana..

Teuma diriloen baro meurunoe..
Nibak uroe nyoe geupakat le apa..
Dari pada meurawon digampong sidroe..
Mangat lage nyoe jak cuci mata..


Angen keu klekson kalheuh meupasoe..
Sang bukah bumoe su leumpah geunta..
Nye na awak bron hana meupakoe..
Laju meutampoe picet suara..


Di awak meucewek yang kreuh kreuh igoe..
Sang kalheuh dibloe nyan jalan raya..
Hana meukotek keuneng su busoe...
Dak dikrib dimoe hana meukira..


Asai yang sopan meusegan kamoe..
Bek peugot paloe pike jalan ma..
Lage plamboyan awak meurunoe..
Nyan ju meutampoe u dalam paya..


Rencana malam euntreuk ka meuwoe..
Asai glah bakong asoe kabeh peukara..
Bak sidroe Tuhan Do'a meupeusampoe..
Beumangat asoe beutrok meugisa..


Teuma karangan nibak uroe nyoe..
Kaseb keuh eh noe dilee meumada..
Nye na perkataan salah peurangoe..
Muah hai adoe aduen ngen mawa..


Jazk- Lam perjaLanan teuma dikamoe.. Do'a bak Tuhan beutrok meujak beutrok meuwoe.. ‪#‎AAMIIN‬

Related Posts

Previous
Next Post »