Pantun Aceh - Koleksi

Koleksi Pantun Bahasa Aceh berikut merupakan karya-karya dari Rizki J Muhamad. Tidak banyak pemantun yang konsisten menelurkan karya-karyanya. Maka beliau merupakan salah satu pemantun yang konsisten menciptakan pantun, khususnya dalam bahasa Aceh. 

Anda dapat menemukan berbagai pantun bahasa Aceh dengan berbagai kategori: Pantun Aceh Lucu, Pantun Aceh sedih, pantun cinta Aceh, pantun Agama, pantun romantis. 

Semua kategori tersebut ada dalam karya-karya Rizki. 

Selamat menikmati keindahan pantun Aceh dari buah pena Rizki J Muhamad.


Koleksi Pantun Bahasa Aceh berikut merupakan karya-karya dari Rizki J Muhamad. Tidak banyak pemantun yang konsisten menelurkan karya-karyanya. Maka beliau merupakan salah satu pemantun yang konsisten menciptakan pantun, khususnya dalam bahasa Aceh.


::: HUDEP SUSAH :::


Uroe yang toet ujeun yang rhah..
Angen peurubah geulanteu teuka..
Dingo loen boet rakan meutuah..
Saboh kisah yang uloen rasa..

Nasib meurana hudep that susah..
Mak ngen ayah ken ureung kaya..
Dalam desa jak tueng upah..
Demi loen nafkah keu keluarga..

Muka ka itam jaroe abeh crah..
Ruoh reuah dalam blang raya..
Uroe malam jak mita rupiah..
Seudeh leumpah yang loen rasa..

Bak pak geuchik jak ceumacah..
Beungoh beukah sampe oh asa..
Geubi peng grik saboh keureutah..
Meukeu sabon sumurah han seb hareuga..

Kadang lam gle jak ceumeucah..
Liki ngen birah dalam rimba..
Dibi hase sion on mirah..
Hana meuglah keu breuh ngen sira..

Ban ka beungoh parang loen asah..
Loen grak langkah mita pat yang na..
Hate meh moh hana pat peugah..
Rata wilayah lakee keureuja..

Na yang didhot na yang dipeugah..
Na yang ditacah uloen dipeujra..
Hana loen takot teutap loen ilah..
Adak pih parah nibak keureuja..

Aneuk uleu dicoeng panah..
Aneuk mawah dicoeng pala...
Asai haleu teutap loen rupah..
Adak dijajah lagee beulanda...

Jazk- nyAn kEuh lagE nyOe nAsib diLoen... DaLam paNton peUgah ceLitra...
#ALLAHU_RABBI

:: ANDECA ANDECI ::


Co:
Ketanah abang ya nona membeli peci...
Membeli peci ya nona bermotif bunga...
Engkau ku sayang ya nona sepenuh hati...
Sepenuh hati ya nona engkau ku cinta...

Ce:
Ke pasar rabu ya abang membeli panci...
Membeli panci ya abang beserta kain...
Meski cintamu ya abang sepenuh hati...
Di dalam hati ya abang ada yang lain...

Co:
pergi ke jawa ya nona pergi ke bali...
Beribu candi ya nona oh indah indah...
Sebelum dia ya nona melamar istri...
Akan ku cari ya nona sedikit celah...

Ce:
diguyur hujan ya abang bajupun basah...
Bajupun basah ya abang sejuk sekali...
Ku penasaran ya abang apa itu celah...
Apa itu celah ya abang yang engkau cari...

Co:
mari berteduh ya nona jika kau basah...
Jika kau basah ya nona dimarah ibu...
Daku bersimpuh ya nona mencari celah...
Mencari celah ya nona tuk mencintaimu...

Ce:
saat gemuruh ya abang takutlah daku...
Takutlah daku ya abang tidur sendiri...
jika kau sungguh ya abang mencintaiku...
Mencintaiki ya abang ku butuh bukti...

Co:
ombak pun tiba ya nona pasang dan surut...
Pasang dan surut ya nona perahu menari...
Mesi kau pinta ya nona gunung dan laut...
Gunung dan laut ya nona akan ku beri...

Jazk- aNdeca aNdeci labOra laboRra bOri...andeCa andEci laBora La boRa borI....
#LANJUTKAN_KAWAN

=BANGGA NGEN MAKSIAT=


Tapeulara guda lam weu ta ikat...
Naleung tapeusapat laju tasedia...
Geutanyoe bangga tapubuet maksiat...
Hana ta ingat nyan larangan agama...

Abeh tacelitra nibak sahabat...
Bangga teuh that that tapubuet zina...
Hana takira aeb meukumat...
Rata jeut teumpat tanyoe ditanda...

Oh watee tapeugah sang diek pangkat...
Digob lom dikarat tanyeng peu yang na...
Seunang meulumpah dinan keuh nikmat...
Lagee surah kitab bak peugah haba...

Peuloem na jak jj oh uroe aleuhat...
Atawa malam jumat meurumpok ba ba...
Nyan seunang that hate di apa kaplat...
Tiep tiep jeut saat geupamer saja...

Nibak cerita keung keung meujungkat...
Sang hana mangat nye golom bi haba...
Trok bak di wawa atau dimat mat...
Mandum geukarat cukop that bangga...

Hana takira nyan saboh laknat...
Nyan keuh alamat peu malee keluarga...
Bak pubuet dausa bangga hana pat...
Sang sang loen hebat bak rakan dum na...

Oh tapeugot timphan rasa cukop klat...
Padahai breuh leukat karoh meuraba...
Nyan wahe e rakan kajeut ta taubat...
Istigfar ju meuhat mohon ampon dausa...

Jazk- terkAdang kiTa baNgga deNgan makSiat yaNg kiTa buAt... TaNpa kiTa sadaRi kiTa telah membicArakan aIb kiTa seNdiri...
#ITULAH_HIDUP

** BUNUH DIRI **


Le that masalah yang menghampiri..
Nyan keuh hai akhi cobaan teuka..
Meubek that susah serah bak Rabbi..
Lapangkan hati jalan ta mita..

Bek beok golom glah ka bunuh diri..
Nyan get that keji mita nuraka..
Lage mahasiswa unsyiah hana lheuh skripsi..
Laju gantung diri didalam kama..

Na yang pacaran hana geurestui..
Karna tan gaji di aneuk muda..
Laju bak jalan jak pok labi labi..
Sang perseh banci hana usaha..

Kadang remaja tingoh patah hati..
Ditinggai le sidek ti ngen ureung kaya..
Taloe geumita ek ateuh kursi..
Atau koh nadi peu abeh nyawa..

Nyan keuh lage nyan muda ngen mudi..
Korban eu tivi tan ilme agama..
Tingat hai rakan pilom aashiqui..
Aneuk muda hindi di grob lam paya..

Ingat hai saudara bek le terjadi..
Mita solusi nye masalah teuka..
Allah Geumurka nye lagenyan terjadi...
Lagee yahudi oh mate gata..

Tiep tiep cobaan jalan ka Geubri..
Dinan Geu uji tanyoe manusia..
Nye na kesabaran iman hakiki..
Gaseh ilahi kan geutanyoe rasa..

Jazk- buNuh diRi nyE matE matE kafE gaTa hAi rakAn...nyAn laraNgan Tuhan wahE akHi meUbek tasUka....
#INTROPEKSI_CARI_SOLUSI

:::"HANA ALASAN":::


Peukeuh loen salah peugah hai intan...
Bek hana alasan ka roe ie mata...
Meuhan that susah mumang pikiran...
Man sibak malam payah meujaga...

Peu yang berubah hana le saban...
Tapi perasaan manteng lagee biasa...
Meubek takubah laju utarakan...
Supaya uloen tuan peu rubah sigra...

Mungken diriloen hana le perhatian...
Lagee phon jadian geutanyoe dua...
Karap dua thon dalam jalenan...
Cinta ngen sayang suka ngen duka...

Tapi lawet nyoe na pekerjaan...
Bukon dek intan loen peduli hana...
Uloen disinoe mita penghasilan...
Keu bacuet jajan bantu keluarga...

Loen harap gata beu pengertian...
Oh wate cs'an bek mita dawa...
Tamaklum kanda sibok hana ban...
Karena na beban aneuk agam tuha...

Beugot got dinda gata disinan...
Jiwa ngen badan harap tajaga...
Peu yang tapeugot pike ngen iman...
Bek tacok jalan larangan agama...

Jazk- haNa aLasan gaTa ka bEungeh... ALah hI gasEh peU saLah kanda...
#MAAF_KAN_LAH

** MITA JUDOE **


awak maen ludo bak bale tuha...
Awak maen bola ta eu bak tivi...
Tamita judo aneuk ureung kaya...
Beuna avanza milik pribadi...

Han ase lakee nye tame honda...
Peu lom hai saudara ngen sitangen mini...
Payah theun malee situek bak muka...
Abeh geuseurapa payah hoi abi...

Nye tamita judo aneuk geuchik desa...
Minimal keureuja beukana gaji...
Han ase tatajo nye peng golom na...
Peulom ayah ngen ma sidroe petani...

Meunye tagalak keu sidroe dara...
Aneuk ulama atau dijieh santri...
Nyan modal tajak u samalanga...
Atau hai saudara u labuhan haji...

Nye tamita judo ineng na keureuja...
Beutatuoh cara wahe e akhi...
Teuma jih ato lam rumoh tangga...
Beu rayek saba bek keunong gaki...

Nye tamita judo akbid unigha...
Vixion teuh beuna jak perli perli...
Bak ATM beulo mata rupia...
Teuma dimuka beu mirip hindi...

Nye tacari judo beu sidroe janda...
Adak katuha asai peng meuguni...
Han payah me kaso ngen asoe kama...
Asai beu perkasa oh malam hari...

Jazk- joDoh iTu sudaH aDa yaNg aTur sOb... KaLo lO masiH beLum pUnya joDoh berarTi Lo susAh diaTur oraNgnya...
#NA_MUFOEM

::: NGAKU RAJA PANTON :::


Loen karang panton kadari barojeh..
Masa meuseuliseh TNI ngenTNA..
Kata meususoen jak hibur wareh..
Niet lam hate gleh mita saudara..

Ide loen mita kata peut bareh..
Ok ok ka puteh nibak keumira..
Meu sineuk rupia golom na lam keh..
Lagee nyoe keuh seudeh nasib pujangga..

Peu yang meurumpok laju loen tuleh..
Asai bak gareh yang negative hana..
Sige ge meu ulok deungen kekaseh..
Masalah ata jeh bacut loen rika..

Asai kasidroe kadang tingoh eh..
Ulee bak minteh karang cerita..
Kadang hai putroe ide teuseureh..
Juoh disideh didalam rimba..

Ka lhee ge pemilu buku loen tindeh..
Karangan meutuleh sang rab sijuta..
Peu yang uloen eu dak ube pureh..
Loen seutot aleh bak hp loen rika..

Teuma lawet nyoe dum pujangga paleh..
Baro jeut tumuleh kapeugah droe raja..
Sangkira jih toe kakeuneng gateh..
Laju bak binteh ku peu sa dua..

Hom lagak raya panton geulukeh..
Oh ta eu wareh han meuho punca..
Eumbong that raya han abeh abeh..
Bak rayu gadeh cangklak lagoina..

Jazk- nyan ken raja panton hai syeara...tapi penjahat panton hehe..
#ALAHAI_GAM

 == JAK U MALAYA ==


Bagah kajak loem u malaysia..
Peugah bak bak saudara dinoe le ringget..
Oh wate kadom baro karasa..
Hudep sengsara lumpah meucupet..

Tajak pajoh bu makanan hana..
Hana cit kama oh wate ta pet..
Ho yang tatuju takot lagoina..
Siben ceulaka gadoh meu wet wet..

Pat tameungadu juoh dipoma..
Teu eh lam tika oh wate saket..
Mentri soe jak eu nye tan beulanja..
Sidroe tarasa dak muntah ciret..

Di gob yang kawoe na dicerita..
Hudep dimalaya meulumpah that phet..
Tapi ditanyoe keunan tateuka..
Bangga lagoina bak mita peunyaket..

Sinoe di gampong perte keluarga..
Gadoh foya foya pawon ngen ringget..
Tanyoe lhu punggong bak takeureuja..
Batee ngen bata tiep uroe tahapet..

Tanyoe meu bajee hana meu tuka..
Peuratah ngen tika abeh meupijet..
Dum ho tateurajee asai usaha..
Kakrot dimuka itam di kulet..

Adak na rakan haba that raya..
Peugah lam desa mukat mi pangset..
Padahai kerjaan di malaysia..
Pileh plok akua sampoe an meugreb..

Mangat di gampong taputa puta..
Mita rupia jak pula sawet...
Hana meuho kong u malaysia...
Dak aceh hai saudara hana lah seumpet...

Jazk- di abang hai dek nye jak u malaysia adak hana pat duek dong pih jeut...
#ASAI_BEU_TROK

"" FANS ""


Abeh dum pungo di aneuk muda...
Baigon tamita nyan lampah tabi...
Lale meulango ngen fans dunia...
Ayah deungen ma hana dituri...

Han ek tapike yang dara dara...
Artis korea galak sekali...
Padahai kafe nyan yang disuka...
Musoh agama bukon dibenci...

Teuma lawet nyoe lumpah disuka...
Artis mahabrata yang awak hindi...
Ken kajak meurunoe ilmee agama...
Gadoh kakira artis bak tivi...

Yang agam agam na fans keu bola...
Ronaldo nama deungen si messi...
Man sibak malam ditem meujaga...
Adak acara trok poh peut pagi...

Ditem meutaroh pakek rupia...
Hana dikira nyan mandum judi...
Singoh geubloh bloh dalam nuraka...
Sabeub kasuka larangan Rabbi...

Teuma sidroe fans suroh Rabbana...
Pang ulee manusia nyan keuh di Nabi...
Hana pakek sen hana perle harta...
Cuma beu cinta didalam hati...

Di dalam kitab na uloen baca...
Oh kiamat donya meulumpah ngeri...
Tanyoe geu azab geubangket sigra...
Deungen fans dunia yang tanyoe impi...

Jazk- nye uroe nyoe fans tanyoe kafe maka geubangket tanyoe sajan awak nyan singoh...
#YOE_LOEN

¤¤ UJEUN ¤¤


Peurangoe ureung han tatuoh peugah..
Tuto bak lidah meumacam cara..
Watee geubi kheung cukop that susah..
Oh ujeun salah liphek lagoina..

Yang that meupep pep ureung sumurah..
Baje manteng basah rudok pih kana..
Cukop meucep cep oh ta eu babah..
Seakan salah rahmat Po Ta'ala..

Peu yang Tuhan bri dumpeu hana pah..
Cukop that parah ummat manusia..
Oh na mentari su'uem kapeugah..
Watee ujeun rhah lupie lagiona..

Kapike donya yang ato nek kah..
Galak ka olah kiban yang suka..
Tapi hai syeara nyan milek Allah..
Peu yang geulimpah beu ek tasuka..

Mungken uroe nyoe rahmat geu singgah..
Singoh musibah kadang bencana..
Bak Tuhan sidroe cit kageu arah..
Tanyoe bek gundah bek putoh asa..

Meunye han ek taduek lam bumoe Allah..
Mita hai mutuah tempat yang suka..
Dinoe meusipreuk rahmat meulimpah..
Tajaga lidah meubek ta cerca..

Perlee ta syukur geubri le Allah..
Salat istikharah baroken ta pinta..
Dinoe Geuguyur tanoh tan le crah..
Bungong dum bukah kumang meubanja..

Jazk- nyan ban hai rakan..
Ujeun salah khueng salah...
Yang butoe peu cit.....?
#KAMITA_BUMOE_LAEN

¤¤ RAWATEB ¤¤


Seumayang rawateb hukom jih sunat...
Yang meu ikot meuhat perle yang lima...
Tapubuet hana treb pacuma siat...
Pahla meulipat rayoek lagoina...

Seumayang fajar dua raka'at...
Pahla rayek that han ek takira...
Donya seputar nye tapeusapat...
Golom na meupat bandeng hana sa...

Seugolom luho na peut raka'at...
Pubuet hai sahbat mita pahala...
Roh lom tatajo tapinah tempat...
Dua raka'at pubuet lom sigra...

Suegolom asa na peut raka'at...
Bek tapeu tilat tilah lagoina...
Adak syedara tanyoe meukarat...
Taduek beu teutap tapreh dang asa...

Oh kalheuh meugreb dua raka'at...
Beuna ta ingat bek sagai lupa...
Dang dang meurateb watee sesa'at...
Anggota empat tagrak ju sigra...

Teuma lheuh isya na lhee raka'at...
Nyan ka meusapat witir hitong sa...
Nye malam jula tapubuet sunat...
Hadis Nabi Muhammad pubuet dua dua...

Mandum ka abeh tujoh blah raka'at...
Nyan menurot kitap bajuri loen baca..
Lage nyan meutuleh haba loen intat...
Muah bak hadarat nye salah rika...

Jazk- nye yang sunat rawateb yang disunatkan na 10 rakaat beh... Bek salah kira
#MITA_LUBEH


:: AWAK COT TUNONG ::

Awak cot tunong meulumpah paloe..
Meunye bak mubloe hana kira kira..
Na gotong royong nibak uroe nyoe..
Kupi ngen tumpoe saboh jeu'ee raya..

Karap dua rutoh abeh dum pheng phoe..
Yang peunteng pruet troe dak hana keureuja..
Kupi lapan ploh kueh na sitaloe..
Rukok hai adoe saboh silop beuna..

Nye bak tuleh peng chit na geutanyoe..
Maklum uloen nyoe siat bendahara..
Teuma bacuet heng kadang meupaloe..
Singoh oh tapuwoe kadang meudawa..

Ban uloen kali kali ngen aneuk jaroe..
Hana chit rugoe hana chit laba..
Akan tetapi bek singoh lon geutampoe..
Bah laju dinoe buku uloen ba..

Teuma beda that di cot tunong nyoe..
Bak jungkat igoe galak meudawa..
Malam dijabat dilantak uroe..
Ka meunan peurangoe di dalam desa..

Awak cot baroh uloen eu baroe..
Kerja seuleusoe hemat lagoina..
Watee seumajoh hana payah bloe..
Boh putek bak droe keunan geuyue ba..

Hudep that rukon dak saleng toe toe..
Hana meusidroe peusalah syedara..
Seumoga Rabbon geubi chit kamoe..
Singoh oh dudoe meunan chit meurasa..

Jazk- nyE digampOeng lOen maLam diLantik urOe diLantak teuh
‪#‎DINAN_KIBAN‬
:: : SALAH : ::

Keupeu guna toi meunye ka teuplah..
Oh rumoh rubah tameh pih bungka..
Yang hana butoi kateuntee salah..
Kajeut ta ubah meubek ta suka..

Salah ba jalan han muho arah..
Lam gle seulawah meuputa puta..
Salah ngen Tuhan paloe meulumpah..
Jaroe tagadah beu ampon dausa..

Salah oh UAN hana di ek glah..
Tajak sekolah peut thon SMA..
Salah maen bhan geutanyoe kalah..
Kareutu mirah ditipek bak muka..

Salah meututo haba tapeugah..
Rakan meutuah beungeh keu gata..
Salah that poto oh watee dirhah..
Warna han cerah itam di muka..

Salah jeb ubat lam tika rubah..
Poma ngen ayah panik lagoina..
Salah eu kiblat seumayang han sah..
Wajeb u ka'bah peuhadap dada..

Salah sok silob meutuka siblah..
Karna beu bagah laen taraba..
Salah di nulob irigasi han teuhah..
Blang ka abeh crah watee sumula..

Salah ta ayoen ija pih bukah..
Salah ta asah cangkoi cap buya..
Salah diriloen rakan meutuah..
Harap peu muah nye salah kata..

Jazk- yaNg buToi ramE urEung kUbah.. MEnye yaNg saLah rAme yaNg rAba..
‪#‎NYAN_KEUH_DONYA‬

: SAKITNYA KU-DIS INI ::

Di ateuh raket tapuduek tima..
Oh watee jula ngen tarhah gaki..
Meulumpah saket kude nibak pha..
Ka abeh luka cabok meurinti..

Loen jak meu ubat dum ho ka rata..
Abeh dukon desa tajo bak mentri..
Golom chit sehat yang uloen rasa..
Watee malam jula loen moe meu i i..

Geupeugah le dukon malam baroesa..
Geuyue peu sa dua ngen bungong meulati..
Sang nyan seurabon le jen lam paya..
Jum'at yue gisa payah me itek beulati..

Teuma laen lom RS loen teuka..
Raseb yue tuka bitadin dibi..
Tapi rab sithon loen gusuk bak pha..
Meutamah raya kude bak gaki..

Cukop that saket kude nibak pha..
Bahasa indonesia sakitnya kudis ini..
Dak tagaro tacupet hana le rasa..
Lam pah chit sira ta ple ngen campli..

Watee tagaro mangat lagee na..
Bee pih menggoda sang khas kasturi..
Watee sadar baro nyan saket tarasa..
Payah tahoi ma seureuta abi..

Ka uloen serah bak Allah ta'ala..
Cukop that saba hana loe benci..
Seumaga leukah sumboh loen rasa..
Kaseb oh yang ka peunyaket Neubri..

Jazk- SakiTnya tuH disiNi... NuNjuk kUdis...... Hahhahah nyan ata cita citata kheun beh..
‪#‎LOEN_HANAROH_KUH‬


Pemantun: facebook.com/Risnuxlalutxxlamanya



Related Posts

Previous
Next Post »