Panton Aceh Teupin Raya > pantunseribu

Panton di Aceh


Panton Aceh merupakan pondasi sastra lisan masyarakat Aceh. Aceh sendiri memiliki tradisi berbalas pantun atau yang dikenal sebagai meutaleh pantun. Pantun jenis biasanya dibawakan ketika ada acara pernikahan. 
Meutaleh panton dilakukan antara pihak mempelai laki-laki dan pihak mempelai perempuan. Ketika pihak laki-laki tiba di rumah mempelai perempuan, acara meutaleh inipun terjadi. 
Para pemantun bukanlah orang yang sudah bersepakat sebelumnya. Semua panton dibuat tanpa ada teks atau semacamnya. Jadi panton tersebut merupakan hasil karya seketika. 
Panton Aceh yang digunakan dalam kegiatan Meutaleh Panton disebut panton seumapa. 
Isi dan makna dalam panton Aceh khususnya panton seumapa mampu memberikan kesan indah kepada para pendengar. Karena memang pantun ini dimaksudkan untuk menarik perhatian para pendengar.
Tradisi memantun memanglah tidak semeriah dahulu kala disebabkan banyaknya pengaruh tradisi luar. Kendatipun demikian, tradisi berpantun tidak-lah benar-benar hilang dari masyarakat Nusantara. 
Berikut kembali kami sajikan panton Aceh yang memiliki rima, resonansi, dan makna yang sangat menawan. Seluruh pantun merupakan hasil karya Saudara Rizki J Muhamad.

:: TEUPIN RAYA ::~


Salam mun alaikom kawom saudara..

Duson ngen kota dikeu ngen likot..
Dinoe loen rawon kampong tercinta..
Cuba celitra lam ca'e uloen bot..
Meugah lam nanggroe nan Teupin Raya..

Rame lagoina sinan oh supot..
Na yang duek keudroe na yang beulanja..
Yang cit saudara yang mukat ungkot..
Ureung mukat gule disinan pih na..

Peu loem tahawa keu ruti teutot..
Teuma mukat baje toe jalan raya..
Asai na rupia dumpeu tabalot..
Yang mukat kupi rame lagoina..

Martabak mentega pih na yang punjot..
Boh salak boh giri boh drien boh mangga..
Keunan dum diba sang dari ie rhot...
Dumpeu na dimukat sinan hai mawa..

Adak batee taba abeh dum lagot..
Asai ka inohat jeum karap poh sa..
Tame ju sigra sampoe an supot..
Yang meubek neume sabu ngen ganja..

Nyan ngen geulawa lon rhom bak tu'ot..
Meudrob rame rame sak lam penjara..
Nye nyan usaha parang kamoe bot..
Nye mita raseuki haleu usaha..

Kamoe that bangga hana meudhot dhot..
Umpama hai ummi bang nasrol nama..
Geu mukat pulsa ngen parfum geupot pot..
Jazk- awAk droE neUh mukAt jU bEh..nA loEn yaNg bLoe..nyoEpat


:: PENGANGGURAN ::


Tajak u aron roet persimpangan...

Sinan keuh rakan rumoh gudong tuha...
Teuma diriloen cuma pengangguran...
Tiep uroe Tuhan mita keureuja...
Nye buet lam gampong jak sipat jalan...

Mita pasukan nibak pos jaga...
Kalage nyan untong hana meu'oh ban...
Teuma pakri ban tamita cara...
Na cit sige ge jeut keu kuli bangunan...

Tapi jatah reman bak kenet limboi sa...
Kadang padup uroe lakee gantian...
Meunye di badan saket dirasa...

Leon jak kuliah payah lakee jajan...

Susah pikiran di ureung tuha...
Geujak tueng upah lam rimba Tuhan...
Kadang meu utang bak ureung kaya...
Han tatuho jak mita penghasilan...

Pula tanaman keumarau melanda...
Kasaket tapak lam pencarian...
Do'a bak Tuhan sabe loen pinta...
Inoe keuh masa lam kesusahan...

Aleh keuh pajan hudep bahgia...
Han putoh asa di uloen tuan...
Adak dinoe tan meu duaneuk beulanja...
Jazk- nyan keuh lagee nyoe hudep teuh...raheung keunoe raheung keudeh...

‪#‎MITA_HASE‬

*¤ CAMERA 360 ¤*


Wahe e rakan bacuet loen ratoh...

Bak peuroh peuroh karang celitra...
Ken dalam Qur'an sinoe ulon boh...
Tapi atra troh bak moderen masa...

Meulumpah canggeh kamera 360...

Mandum jeut tasampoh ata bak muka...
Adak barojeh lagee moto bloh...
Dinoe rakan boeh hi adek luna...
Bibi yang itam kuneng oh dilhoh...

Alis yang putoh jeut sambong teuma...
Muka yang masam lage keuneng boh soh...
Hana payah oen sirutoh jak edit gamba...
Di aneuk agam keubit that putoh...

Di eu ta'eun sampoh ka jatoh cinta...
Man sibak malam pulsa ditem boh...
Disampeng gurupoh jak peugah haba...
Oh watee meurumpok ban ek manok ditoh...

Muka that rusoh anco binasa...
Cukop dipeucagok dikamoe utoh...
Rumoh karapoh jeundela hana...
Bek that tapateh kamera lhe nam ploh...

Takot lheuh tabloh hana selera...
Ineng tapileh hate yang teudoh...
Nibak meuratoh get budi bahasa...
Jazk- le that keucewa pembeli hai dek nong...

‪#‎RUGOE_SEGALA‬

¤¤ RAHMAT ¤¤


Pujoe ngen puji keu sidroe hadarat...

Geutanyoe panjat keu po yang kuasa...
Teuma keu nabi tapeu ek seulawat...
Serta keu sahbat ngen keluarga...
Nibak uroe nyoe loen me hikayat...

Karna sayang that nanggroe trok bala...
Langet ngen bumoe laot ngen darat...
Tanoh ka padat ie ujeun hana...
Pade dalam blang ka diploh kawat...

Lumo meusapat eumpeun ji mita...
Teuma di kacang panen tan meupat...
Abeh buet ulat oen ka disuba...
Ie moen lam gampong karap jeut sipat...

Lam lueng ka meuhat ditimoh ara...
Karet ngen rambong abeh meujungkat...
Kupi ngen coklat mate meubanja...
Ureung seumayang rata jeut tempat...

Do'a geupanjat ujeun beu teuka...
Tapi that sayang golom trok hajat...
Lhee beuleun meuhat khueng ka tarasa...
Wahe e po leon neupeutroen rahmat...

Bek keuh neu laknat dikamoe hamba...
Ujeun neupeutroen keu kamoe ummat...
Neubri seulamat beujuoh bala...
Jazk- Ya Allah... Neupeutroen ujeun keu kamoe hamba nyoe...

‪#‎AMIN_YARABBAL_ALAMIN‬

**(D)(U)(K)(O)(E)(N)**


Tacok boh sukoen tacroh keu bada...

Mangat tarasa mameh bak lidah...
Teuma didukoen ka meuraja lela...
Abeh manusia ka geumeurajah...

Beok na leubeh digob ka kaya...
Digob teuka hate lam susah...
Laju kageupeh sahabat geuba...
Geubaca doa boh lam keureutah...
Na yang geutanoem na yang geubaba...
Na cit saudara geutiek lam kulah...
Ka ube lapoem geumita dausa...
Takoet tan le na keu Baginda Allah...
Ureung yang keuneng sayang lagoina...
Urumoh saket jiwa payah geuserah...
Agam ngen ineng ka sama saja...
Gampong ngen kota dukoen jelajah...
Ek tega hate hana geukira...
Pungo ubena ureung ka gundah...
Kageume sihe sabe saudara...
Ubat tamita dokter menyerah...
Hai dukoen paleh asee ceulaka...
Lam pah di gata loen tacah tacah...
Ku tem ceu gareh putoh saudara...
Hana kukira adak saboh yah...
Alah hai dukoen asoe nuraka...
Parang senjata kajeut ta asah...
Peusan dari loen peunutob haba...
Wajeb peu fana haleu jeb darah...
Jazk- doNya ka akHe iLeumee sihE meurajA leLa...haN ek tapikE teGa haTe geUpoh saudAra
‪#‎KAJEUT_INSAF_KOEN‬

** P E S T A **


Teuma di gampong ureung meupesta...
Khanduri raya rubah keubiri...
Seudangkan diloen idang yue jaga...

Ngen ie akua yue bagi bagi...
Abeh makanan laju yue tuka...
Asai na tamca dalam idang mi...
Didalam idang ka teusedia...
Ureung geuteuka pajoh khanduri...
Adak pih uroe suuem lagoina...
Teutap loen jaga pireng uloen bri...
Hana loen pakoe adak uroe kha...
Yang peunteng syeara ka seunang hati...
Tapreh dilinto pajan geuteuka...
Disinyak dara kahek meunanti...
Geubuka pinto ka ube raya...
Ngen lapang dada geupreh le wali...
Jazk- ho rAkan Rakan meutuah..keUnoe neuLangkah pajoh kHanduri...
‪#‎COT_BAROH‬

***(PEUTURI)***

Ureung sigli careng bak mukat...
Yang careng silat meulaboh kuta...
Meunye meutani pidie jaya meuhat...

Melon ngen coklat sinan meu punca...
Meunye na perlee do'a meu ubat...
U aceh barat laju tateuka...
Meunye ileumee meuheut ibadat...
Samalanga tempat dayah meubanja...
Yang jak kuliah kadang meuhajat...
Laju ta intat keudeh u banda...
Nibak unsyiah sinan alamat...
Meugah hayeu that keudeh ulua...
Di awak tiro anoe di sukat...
Di awak riwat meublang saja saja...
Meunye di lamlo pembangunan pesat...
Tingoh dikarat peuluah kota...
Teuma kurukueh ureung meusapat...
Dapu meu ikat bak peugot bata...
Tanoh dum dikueh lam moto jungkat...
Raseuki meuhat ureung lam desa...
Yang peugot ade bak simpang empat...
Meurudu teupat bak laen hana...
Keuripet sare tan le soe minat...
Oh dicroh alat pakek plok akua...
Dibireun kuta kripek pisang brat...
Tapileh yang klat yang mameh pih na...
Matang glp.dua sate jieh mangat...
Cukop that nikmat watee tarasa...
Teuma ditangse bak jalan teupat...
Boh drien meu ikat didalam raga...
Dum ureung jj oh uroe aleuhat...
Jak maen siat ngen ma idara...
Tajak u gumpang meuh tajak sukat...
Raseuki mangat bak ta usaha...
Tagali lobang tapake alat...
Yang galak that that cit awak jawa...
Jazk- gampoeng droe neuh yang golom loen sebut neutamah ju beh...
‪#‎SAMBOENG_HABA‬

¤ TADARRUZ ¤


meususon kalam bak sidroe Tuhan..
Geutanyoe insan beu tapeu indah..
Oh mate malam di uloen tuan..

Jak beud Qur'an sideh dimeunasah..
Ayat ngen ayat laju meukuran..
Ampli meu tekan volume bukah..
Ka abeh surat juz pih meu khatam..
Sigo go rakan kitab meusurah..
Riki khagura sabe na sajan..
Yang me makanan ngen ie saboh glah..
Ie tubee geuba tamah ngen timphan..
Meunye bak gob nyan hana peu tapeugah..
Yang meujaga sabe nyan keuh siraman..
Adak kupi tan mata pih teuhah..
Meukeuneng hate baca kuru'an..
Oh jula malam geutarek kasidah..
Juoh dari banda u gampoeng geu jalan..
Nyan keuh darmawan taylor nan meugah..
Geutem meujaga mic mic geutelan..
Jatah digob nyan eh poh duablah..
Teuma situnih hana pat lawan..
Peugot peureman ateuh meunasah..
Abeh geu ki'ieh ube na makanan..
Peu lom hai rakan yang peugot po'ah..
Di aduen makmur na pekerjaan..
Jak peugot jalan disampeng rumoh pojah..
Maka geu tidur tadaruz pih tan..
Dinoe digob nyan payah mengalah..
Teuma sidroe treuk sigam tungku leman..
Nye mangat makanan jak u meunasah..
Nyan keuh di aneuk rajin ngen sopan..
Hana pre sajan meujak u dayah..
Nyan keuh sekilas haba khabaran..
Dari loen tuan bg.jazk meutuah..
Meunye na mudah sinan hai rakan..
Bacuet sumbangan adak ie akua glah..

¤¤ MITA LIMENG PLOH ¤¤


Dalam uroe kha kerja bangunan..
Dak saket badan hana takira..
Demi rupia wahe e rakan..

Batee loen gulam dak ube be raya..
Meunye meuadok nyan ka pekerjaan..
Padup takaran na lam kepala..
Bak busoe teusok cit kajeut reman..
Sang tangan kanan tukang lam desa..
Nye gotoeng royong laju didepan..
Pake meteran uko uko saja..
Meunye buet borong digob yang kuran..
Diuloen tuan buruh keureuja..
Asai limeng ploh geubri bayaran..
Teutap tatahan adak puasa..
Badan meuruoh buluet dibadan..
Mumang pikiran dalam uroe kha..
Keu baje baro wate lebaran..
Silob sipasang payah tamita..
Didara baro pakat jalan jalan..
Mita sikuyan keu minyeuk honda..
Kadang aneuk kumuen dilake jajan..
Dijieh han jeut tan limeng ribe rupia..
Wate tasaleum bek soh bak tangan..
Male loen tuan payah boh muka..
Ie pohon pinang me keumak tuan..
Supaya dek intan rumeh bahgia..
Bek rasa alang wate kunjongan..
Bacuet makanan ken payah taba..
Seumoga sehat jiwa ngen badan..
Beuteutap iman beutrok puasa..
Adak pih hek that kerja bangunan..
Doa bak Tuhan beu ek loen saba..

** BAK IBADAT **


Kafe kota disumah patoeng..
Kafe gampoeng disumah tika..
Kadeuh nyata wate ta hitoeng..

ALLAH disanjoeng dituri hana..
Nibak seumayang ta eu cot punggoeng..
Padahai lutoeng ateuh musalla..
Beu taturi Tuhan wahe gam bakoeng..
Tanyoe meunyawoeng hanyalah hamba..
Iktikeud limeng ploh tasak lam jantoeng..
Tasok ija kroeng udayah tateuka..
Tauhid tapeuroh ilme ta aroeng..
Tatuju langsoeng keu ALLAH taala..
Breuh dalam umpang tatoeb keu tupoeng..
Tapakek lusoeng haloh lagoina..
Wate taseumayang meubek na eumboeng..
Wahe rakan loen peujuoh ria..
Laksana tajak keudeh lhok niboeng..
Atawa u gudoeng laju tateuka..
Bak talangkah tapak tujuan bek puntoeng..
Dak muto tutoeng kusyuek ta bina..

Jazk- syahadat bek tuwo rakan beh..
‪#‎KHEUN_WALED_NU‬

**NGAKU NGOEN**


Keu ureung yang ngaku seubagoe teman..
Yang ka bri saran lam loen meucinta..
Wate tameusu bek saket perasaan..

Uloen ingatkan bek mita peukara..
Bek tapeusama ngen mantan mantan..
Dak cantek rupawan nyan kabeh masa..
Dinoe lam dada mandum perasaan..
Kaloen curahkan keu dx mawar nita..
Memang dx mawar le that kekurangan..
Tapi bak loen tuan cukop sempurna..
Hana pat tawar ngen laen dum intan..
Keupeu teuh badan nye seunang hana..
Dinoe loen lake bak gata rakan..
Bek le tameu urusan jak ho yang suka..
Karna nye male loen meubacuet tan..
Loen peugot pilihan bukoen keu rupa..
Tapi bak agama kadeungen iman..
Serta pemikiran leubeh dewasa..
Leumpah loen suka bak kesabaran..
Ngen keiklasan uloen geu cinta..
Sabe geuturoet yang loen ucapkan..
Juoh ngen sajan tetap setia..
Muka hantoem kroet dak na permasalahan..
Ngen rahmat Tuhan insyaAllah kamoe bahgia..
Jazk- hai ngen meutuah paleh, bek kapeubroek hubungan loen beh, karna loen ka :
‪#‎THAT_BAHAGIA‬

--- kabeh kerja ---


biet hana rugoe uloen keureuja...

tingoh puasa mita raseuki...
sikureung blah uroe uloen usaha...
adak uroe kha hana peduli...
dak ureug laen hana puasa...

teutap loen jaga rukoen islami...
karna hai polem nyan yang utama...
biet hana guna nye ta tinggali...
jeut buka buku kabeh keureuja...

tajak ploh punca serta cok gaji...
asai bek karu bak peuputoh harga...
seunang lagoina keureuja geubi...
bajee siluweu kajeut jak mita...

laju tateuka u burnuen citi...
meunye peng haleu mangat beulanja...
puas teurasa didalam hati...
teuma di hp kajeut tatuka...

merek nokia payah taganti...
han ek tapike le hp china...
hana dibaca lagu mp tri...
meunye na lubeh dua neuk rupia...

oh uroe raya jak perli perli...
asai dalam keh oen mirah meubanja...
keu minyeuk honda tan tapeduli...
syukur loen ucap keu allah taala...

sabe loen pinta doa bak rabbi...
yang ka geubri sehat tuboh ngen jiwa...
jadi sehingga kana raseuki...
jazk- alhamdulillah ya allah ka ek loen ibadat ngoen hareukat bak buleun punoh rahmat nyoe

# seunang_that_hate

Demikian Panton Aceh yang dapat kami sajikan. Ikuti terus update pantun-pantun dari kami. Lihat juga panton Aceh lainnya:
Pantunseribu.blogspot.com juga menyajikan pantun dengan berbagai bahasa yang hidup di tatar Nusantara. 
Anda juga dapat mengirimkan pantun Anda. KIRIM PANTUN.


Related Posts

Previous
Next Post »